Раководството на „нероазурите” е незадоволно од претставувањето на Чилеанецот, кој беше ангажиран од клубот од Милано до крајот на сезоната 2019/20 и нема намера да потпише постојан договор со играчот. Така, Санчез ќе се врати во Манчестер Јунајтед летото 2020 година.

Интер нема да се обиде да ги откупи правата на напаѓачот Алексис Санчез од Манчестер Јунајтед, според италијанскиот новинар Фабрицио Романо. Досега 31-годишниот играч има одиграно 13 мечеви во сите натпреварувањата за Интер оваа сезона, со еден гол и три асистенции.

„Трансфермаркт“ го проценува на 25 милиони евра. Неговиот договор со Манчестер Јунајтед треба да истекува во јуни 2022 година.

Воедно Андреас Переира и Џеси Лингард веројатно се очекува да го напуштат Манчестер Јунајтед во текот на летото, пренесуваат британските медиуми. Лингард и Переира имаат договори со клубот од „Олд Трафорд“ до летото 2021 година.

Двајцата играчи од средниот ред не можат да најдат место во стартниот состав на „црвените ѓаволи” под водство на Оле Гунар Солскјер.

Разделбата со 24-годишната Переира и 27-годишниот Лингард може да помогне во ангажманот на Џек Грилиш од Астон Вила на „Олд Трафорд”. Играчот од средниот ред е вреден околу 60 милиони фунти.