ИНСТАГРАМ ПРОТИВ „БУЛИНГОТ“: Размислете уште еднаш пред да го објавите коментарот!
Во време кога речиси целиот свет секојдневно „виси“ на социјалните мрежи, неизбежно е и препукувањето преку коментари.
Инстаграм е првата социјална мрежа која вложува многу во тоа да биде безбедна за сите свои корисници. Тие преземаат драстичен чекот во врска со дрските и навредливите коментари под објавите.
Тие сакаат на секој можен начин да ги заштитат корисниците, за тие да не бидат под притисок поради навредливите коментари и бројот на лајкови. Од една страна, воведуваат алатка која ќе детектира навреди во коментари и ќе го предупредува корисникот да размисли уште еднаш пред да коментира.
Од друга страна, тестираат и опција за рестрикција, односно криење на коментари кои не ви се допаѓаат, а оној кој го објавил коментарот нема да знае дека не е видлив.