Дигиталните сервиси и социјалните мрежи земаат се поголем замав и во регионот. Се проценува дека во 2019 година околу 5 милиони граѓани на Србија користат дигитални сервиси на мобилните телефони.

Според податоците објавени во српските медиуми, подеднакво ги користат и мажи и жени, а најмногу младите.

Најмногу се користи Viber, апликација која ја користат 77 отсто од испитаниците во последниот квартал од минатата година. На второто место е Facebook со 68, на трето Instagram со 59, потоа следат и Facebook Messenger и WatsApp со 59, односно 55 отсто.

Најголем раст бележат Instagram, WatsApp и Viber.

Половина од српските граѓани вестите ги читаат преку новинските апликации на мобилните телефони. Она што е зачудувачки е дека навигација и туристички апликации користат нешто помалку од третина.

Расте и бројот на луѓе кои телевизија гледаат преку мобилниот телефон.