Општинските инспектори, немоќни против потпалувачите на депонии – Бараат помош од државниот инспекторат и МВР

Густ чад предизвикан од палење на повеќе од 300 гуми ги исплаши викендов граѓаните на струмичкиот регион, во околината на село Костурино. Пожарот не ја зафатил блиската нискостеблеста шума, но значително го отежнал дишењето на населението.

Струмичките инспектори за животна средина, во изјава за „Слободен печат“ велат дека ваквите настани не се пракса во нивниот град, и уверуваат дека станува збор за изолиран инцидент.

– Инспекторите редовно излегуваат на терен, како по добиена пријава, така и самоиницијативно. Досега не се забележани палења на депонии, ниту на стрништа кои би го загадиле воздухот во струмичкиот регион. Нивите во Струмица се ораат, и се подготвуваат за нова сеидба – изјави за „Слободен печат“ Микица Чардарова, инспектор за животна средина во општина Струмица.

Но, ситуацијата во главниот град е малку поразлична. И покрај напорите на локалната власт, тешко се искоренуваат навиките на граѓаните. Земјоделците и понатаму продолжуваат со праксата остатоците од нивите да ги палат, наместо да ги повикаат службите на градот бесплатно да го соберат остатокот од нивите, по што Град Скопје ја изрече и првата казна за потпалувач на оган на отворено.

„Потпалувачот од Сарај беше лоциран со помош на снимки од дрон, по што му беше изречена казна за палење оган на отворено, во висина од 1.000 евра“, информираат од Градот и додаваат дека на дронот има и камера за ноќно снимање, па со него ќе се вршат прелети и во текот на ноќта за лоцирање на критичните точки кои предизвикуваат загадување.

Прочитајте и...  Русите против независната надворешна политика на Вучиќ и пристапувањето кон ЕУ?

Голем револт на социјалните мрежи предизвикаа и фотографиите од запалена депонија во Визбегово.

Дали општина Бутел е запознаена со ситуацијата, ги прашавме надлежните од каде што ни одговорија дека депонијата се граничи со општина Бутел, но е во надлежност на Шуто Оризари, од каде што не добивме одговор што ќе превземат за да се спречи понатамошно палење на депонијата.

Четири инспектори за цел град

Четворицата инспектори за животна средина вработени во Град Скопје деноноќно се на терен во обид да ги лоцираат потпалувачите на оган.

– Досега имаме над 200 часа прекувремена работа, јас и колегите сме постојано на терен, излегуваме и по добиена пријава, но немаме помош од општинските комунални инспектори. Сите општини имаат комунални инспектори, кои треба без наша помош, самостојно да ги лоцираат. Сепак, сите чекаат помош од нас – се жали инспектор за животна средина во Град Скопје.

Четворицата градски инспектори очекуваат засилување од 15 нови колеги, но дотогаш бараат да се интензивира соработката со Државниот инспекторат за животна средина и со Министерството за внатрешни работи.

Прочитајте и...  Почина првиот медиумски работник од Ковид-19 во земјава

Зошто соработката помеѓу двете институции не резултира со почист воздух во Скопје прашавме и во Инспекторатот, од каде што кусо ни одговорија дека не се надлежни да ги лоцираат, ниту палењето на стрништата, ниту пак на ѓубриштата, попознати како диви депонии.

– Ѓубриштата, коишто сите ги нарекуваат диви депонии се во надлежност на општините. Ние не сме надлежни за вршење надзор. Соработка помеѓу институциите има, но повеќе е консултативна – ни рече Дарко Блинков, инспектор во Државен инспекторат во животна средина.

Од МВР, пак, велат дека при пријавен пожар, надлежните полициски службеници од СВР Скопје излегуваат на местото на настанот на увид и преземаат координирани мерки и активности заедно со припадниците на Бригадата за противпожарна заштита-Скопје и Дирекцијата за заштита и спасување.

Од друга страна, општините ги демантираат тврдењата од градскиот инспекторат за животна средина. Велат дека комуналните служби секојдневно вршат инспекциски патроли за да ги превенираат штетите од потпалувањето и да извршат санкции доколку има потреба.

Општина Карпош секој ден има инспекциски патроли за да ги превенираат штетите од потпалувањето и да извршат санкции доколку има потреба, а има и дежурен број за пријави, велат од општината. Во две смени работат и инспекторите во општина Ѓорче Петров кои до сега имаат изречено две мандатно-имунитетни казни на физички лица во висина од 50 евра, информираат од општина Ѓорче Петров. И од општина Аеродром потврдуваат дека комуналните инспектори работат две смени и за време на викенди.

Прочитајте и...  Андоновиќ: Расните немири во САД прераснуваат во социјален бунт (ВИДЕО)

Единствено општина Гази Баба нема дежурна служба.

„По пријава на 193 за запалена дива депонија или локален пожар, на посочената локација излегува екипа од мешан состав од Противпожарна бригада, инспектор од град Скопје, инспектор од општина Гази Баба како и полициски службеници“, велат од Гази Баба.

Воздухот не го загадува само чадот од запалените депонии

Поставување на филтри на фабриките во полошкиот регион, субвенционирана замена на нееколошките извори на затоплување, субвенции за купување нови еколошки возила и инсталација на плински уреди во возилата на бензин и дизел, се дел од мерките кои Министерството за животна средина ги најави во борбата против загадувањето на воздухот.

Во интервју за „Слободен печат“, заменик министерот за животна средина, Јани Макрадули, изрази оптимизам дека мерките на Владата ќе овозможат претстојната зима граѓаните да не се шетаат со маски за дишење.

Макрадули потврди дека е обезбеден и посебен буџетски фонд за првичните активности, во висина од два милиони евра, но на располагање се и околу 20 милиони евра од одредени ставки од буџетите на неколку министерства, наменети за остварување на мерките од обемниот план.

Прочитај повеќе

Трамп го обвини Куомо за грабежите: Њујорк го искинаа на парчиња

Слободен печат

Велика Британија ја повика Кина да го повлече предлог законот за безбедност во Хонгконг

Слободен печат

Подготовки за избори: Партиите на терен, ќе се гласа на отворено

Коронавирусот го скрати животниот век во Белгија за пет месеци

МИА Агенција

Мас: Протестите во САД се разбирливи и повеќе од легитимни

МИА Агенција

Имаме капацитет да се справиме и со овој бран на болеста, смета Филипче

Слободен печат

Остави Коментар

Прочитај повеќе

Борис Џонсон вознемирен од насилствата во САД

Слободен печат

До четврток ќе се донесе одлука за евентуално враќање на рестриктивните мерки

Слободен печат

Градоначалникот на Чаир позитивен на Ковид 19

Слободен печат

На протестите во Њујорк ограбени елитни дуќани, украдени „Ролекси” во вредност од 2.3 милиони долари (ВИДЕО)

МИА Агенција

Филипче: Огромен број контакти од вкупно дијагностицираните се во рамки на десет семејства

Слободен печат

Песков: Русија ќе побара повеќе детали за поканата од Трамп за проширен самит на Г7

Слободен печат