Инспекторите го замолија Заев да не го разрешува Пауновски

Заврши средбата меѓу пазарните инспектори и премиерот Зоран Заев во владата, но изјави за тоа што се дискутирало и каков тон заземал првиот човек на владата во поглед на разрешувањето на Пауновски, нема. Откако ги сослушал инспекторите, тие не даваат изјави за медиумите. Над сто инспектори од пазарниот инспекторат се потпишаа на петиција што денеска му ја врачија на премиерот, во која бараат да не го разрешува нивниот директор Стојко Пауновски, затоа што се задоволни од неговиот раководителски капацитет и зашто за три години ја унапредил службата и кадровски и со ресурси.

Меѓутоа, денеска попладне ќе биде познат ставот на владата бидејќи на владина седница како точка на дневен ред е разрешувањето на Пауновски, за непочитување на владина одлука и за непочитување на етичкиот кодекс.

Премиерот Заев рече дека е недозволено да се пркоси и да не се спроведува владина одлука за прераспределба на 35 кадри од Министерството за односи меѓу заедниците. Од ова министерство, со владина одлука требаше да се прераспределат 35 административци, за кои што Пауновски одбива да ги прими, затоа што како што вели, тие не се квалификувани, а инспекторатот кубури со инспектори за источна Македонија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот