Инспектори спречени да направат контрола во угостителски објект, внатре бил претседател на политичка партија (ВИДЕО)

Фото: Слободен печат / Драган Митрески

Раководителката на Одделението за инспекциски надзор Скопје, Мери Продановска вечерва на вонредна прес-конференција изјави дека инспектори  биле спречени да извршат контрола во угостителски објект на „Боемска улица”.

Според неа, додека инспекторите чекале да влезат, од објектот излегол претседател на политичка партија, но не прецираше за кого станува збор.

-Вечерва, Државниот пазарен инспекторат во редовни надзори, односно вонредни надзори на теритоирја на Скопје околу 18:15 часот беше спречен да изврши увид во еден угостителски објект со образложение дека угостителскиот објект е од зтворен тип и дека нема гости внатре. Колегите продолжија во другите усготителски објекти, но сепак се вратија кај истиот угостителски објект со уште една замолица да им се отвори објектот да извршат надзор. По два и пол часа успеавме да влеземе во објектот, но пред тоа имаше други дејствија, од објектот излегоа луѓе кои инспекторите не можеа да ги легитимираат, но препознаен е претседател на политичка паритја, рече Продановска.

Запрашана кој бил лидерот на партија, што бил во објектот, таа рече дека не може да каже, бидејќи не била таму.

Сопственикот на локалот бил повикан, но дошол по два и пол часа чекање пред објектот.

Продановска информира дека угостителскиот оператор ќе добие кривична пријава  по член 205 и 206  за непочитување на забрана за обавување дејност во објектот и за споречување на инсепкциски надзор.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот