Белгисите здравствени власти испратија инспекција во фабриката на АстраЗенека во општината Сенефе за да утврдат дали доцнењето со испораката на вакцини против коронавирус всушност е последица на проблемот со производство, јавува АП.

Европската комисија побара од белгиските власти да ја прегледа фабриката во Белгија поради незадоволството со објаснувањата на АстраЗенека дека не се во можност да ги испорачаат очекуваните дози за ЕУ во договорениот рок.

Оваа фабрика е една од четирите локации на кои, врз основа на договорот се произведуваат вакцини за АстраЗенека за пазарот на ЕУ.

Vaccin AstraZeneca: pointé du doigt pour les retards, le site de production de Seneffe inspecté par l'AFMPS https://t.co/k9BNmeZNG2 via @rtbfinfo

— TwiitHIT (@twiithit) January 28, 2021

АП наведува дека властите од ЕУ се под неопислив политички притисок зошто испаднало дека вакцинирањето се спроведува многу поспоро отколку во Велика Британија и Израел.

АстраЗенека објави минатиот викенд дека планира да го намали своите иницијално договорени испораки кон ЕУ од 80 на 31 милион дози вакцини. ЕУ во средата утврди дека ќе прими дури и помалку од овие дози односно само четвртина од она што 27 нации на ЕУ се договорија да им се испорача од јануари до март оваа година.

Германски Дер Шпигел наведува дека инспекторите ќе истражат дали објаснувањето со кое АстраЗенека ја оправдува новонастанатата состојба со испораката на ЕУ е вистинита, односно дали испорачува од споменатата фабрика материјал за купувачите во Велика Британија.

Имено, Брисел се сомнева дека намалените испораки од вакцините се последица на тоа што компанијата можеби испорачувала неограничени количества вакцини во земјите кои не се членки на ЕУ, можеби дури и од фабриките од подрачјето на ЕУ. АстраЗенека инсистира дека за тоа не станува збор, туку дека се работи за „технички проблеми во производството“.