ИНФОГРАФИК: Најголема инфлација има во Македонија, најмала во Словенија
Трошоците за живот забрзано растат во цел свет. Но, овој глобален тренд некаде е позиразен, а некаде помалку.
„Слободен печат“ ги спореди податоците што официјално ги објавуваат националните статистички агенции во регионот. Само Македонија и Словенија имаат објавено податоци за јулската инфлација. Но, ако се споредат податоците за јунската инфлација, може да се забележи дека во регионот Македонија има најголем раст на трошоците за живот, односно највисока инфлација. Судејќи според бројките, веројатно тој тренд е продолжен и во јули.
Ако пак, се анализираат само трошоците за храна, како егзистенцијано прашање, може да се забележи дека од Македонија, само Црна Гора, имала поголем раст на цените на ставката „Храна и безалкохолни пијалоци“.
Податоците за јунската инфлација покажуваат дека таа се движела од 10,4 проценти во Словенија до 14,5 проценти во Македонија. Во јули, како што деновиве објави Државниот завод за статистика, во Македонија имало инфлација од 16 проценти, односно толку пораснале вкупните трошоци за живот во однос на ланскиот јули, додека во Словенија, тие пораснале за 11 проценти.