Индустриското производство во февруари зголемено за еден отсто споредено со лани
Индустриското производство во февруари годинава во однос на февруари лани е зголемено за еден отсто, соопшти Државниот завод за статистика, додека вкупно, во првите два месеца од 2022, во споредба со 2021 година, е помало за 0.5 отсто.
Гледано по сектори, индустриското производство во секторот рударство и вадење на камен во февруари 2023 година, во однос на февруари 2022 година, бележи опаѓање од 1.3 отсто, во секторот преработувачка индустрија намалување од 2.6 отсто, а во секторот цнабдување со електрична енергија, гас, пареа и климатизација има пораст од 45.4 отсто.
Намалувањето во преработувачката индустрија е резултат, пред сѐ, на намаленото производство на прехранбени производи, производство на облека, производство на хемикалии и хемиски производи, производство на производи од гума и производи од пластични маси, производство на метали, производство на фабрикувани метални производи, освен машини и опрема, производство на електрична опрема и производство на машини и уреди, неспоменати на друго место.
Според главните индустриски групи, производството во февруари 2023 година, во однос на февруари 2022 година, бележи пораст кај енергијата за 36.9 отсто, капиталните производи за 8.9 % и нетрајни производи за широка потрошувачка за 9.8 отсто.