Индиските сили по грешка убиле најмалку 14 цивили во североисточната држава Нагаланд, соопштија локалните власти.

Индискиот министер за внатрешни работи Амит Шах изјави дека е вознемирен поради вестите за убиените цивили во пукањето доцна синоќа.

„Владата на државата темелно ќе го истражи овој инцидент за да обезбеди правда за ужалените семејства“, напиша Шах на Твитер.

Anguished over an unfortunate incident in Nagaland’s Oting, Mon. I express my deepest condolences to the families of those who have lost their lives. A high-level SIT constituted by the State govt will thoroughly probe this incident to ensure justice to the bereaved families.

— Amit Shah (@AmitShah) December 5, 2021

Локалните медиуми објавија дека индиските безбедносни сили по грешка отвориле оган врз цивили, а не се знае точниот број на жртви. Не е јасно што довело до инцидентот во таа сојузна држава која се граничи со Мјанмар, пишува Ројтерс.