Индиската кујна е неверојатен спој на различни вкусови и магични зачини. Вегетаријанскиот и веганскиот начин на исхрана преовладува, а притоа Индијците веруваат дека тој тип на исхрана ја зголемува виталноста и енергијата бидејќи вклучува бројни јадења подготвени од свежа и органска храна без месо и конзерванси.

Доколку сте љубител на интересни комбинации на вкусови, а притоа уживате во здрави оброци тогаш сигурно ќе сакате да го пробате овој рецепт. Ако дополнително сте љубител и на индиската зачинета храна, ова е одличен начин да го замените класичниот омлет со овој индиски специјалитет. Најдоброто од сè е што овој оброк има малку калории, па е одличен доколку внимавате на исхраната ова лето.

Потребни состојки:

– 1 домат
– 1 зелена пиперка
– 1 кромид
– 3 белки од јајца
– 2 лути пиперки
– половина мала лажичка кари
– коријандер по вкус
– сол и бибер по вкус

Подготовка:

Во подлабок сад изматете ги белките, а потоа во истиот сад додадете ги ситно исечканите лути пиперки. Зачинете со бибер и сол по вкус и малку кари и убаво промешајте. Во садот со јајцата, лутите пиперки и зачините додатете ги и исечканата зелена пиперка и кромидот. За подобар вкус, зачинете со малку коријандер и убаво промешајте. На крај додајте го доматот и изматете ја смесата. На тава за пржење загрејте малку маслиново масло. Истурете ја целата смета и пржете неколку минути додека смесата не убаво не се испече од едната страна. Потоа превиткајте го омлетот на половина и пржете уште неколку минути од двете страни.

Добар апетит!