Две изненадувања видовме во полуфиналните средби на Индијан Велс и за титулата ќе се борат Холгер Руне и Џек Дрејпер.

Руне стигна до финалето со победа против Данил Медведев, додека Дрејпер го оствари својот најдобар резултат победувајќи го Карлос Алкараз.

Дрејпер одигра одличен меч и го победи Алкараз со 2:1 во сетови (6:1, 0:6, 6:4), а ова за него ќе биде прво финале на Мастерс 1000 турнирите. Исто така успехот за првпат ќе му донесе пласман помеѓу најдобрите 10 на АТП листата.

Руне од друга страна до финалето стигна со победа над Медведев со 2:0 во сетови 7:5 и 6:4.

Медведев ќе потсетиме ја освојуваше титулата на Индијан Велс во последните две години, но сега не успеа да дојде до финалето.