Португалскиот суд го осуди постариот британски пар Кларк заради трговија со дрога, откако полицијата ги уапсила на крстарење со девет килограми кокаин скриен во куфери.

Како што се наведува судот ги осудил Роџер Кларк и неговата сопруга Сју на осум години затвор. Нивната адвокатка најавила жалба, пренесува АП.

Парот, како што се наведува, пред судот рекле дека биле измамени од некој Јамајканец да ги земат куферите.

Полицијата го уапсила брачниот пар минатиот декември, откако ја пребарале кабината на нивниот брод за крстарење, кој по Карибите застанал во Лисабон.

Од полицијата рекле дека во четири куфери нашле кокаин со улична вредност од околу 300.000 евра.