Имаа ист резултат, на крајот „Летечкиот“ Грк се закити со златото
Грчкиот атлетичар Милтијадис Тентоглу го освои денеска златниот медал во скок во далечина на Олимписките игри во Токио.
Тентоглу, „Летечкиот“ Грк победи со скок во последната шеста серија од осум метри и 41 сантиметар.
Тој имаше уште скокови од 8,11 метри, 8,10 метри и 8,15 метри, а двапати направи престап.
Водечкиот до последната серија Кубанецот Хуан Мигел Ечеверија го имаше истиот резултат, 8,41 метри, но имаше послаби скокови.
Се повреди во текот на натпреварувањето, ја пропушти петтата серија, а во шестата серија не успеа да скокне.
Бронзениот медал го освои неговиот сонародник Мајкел Масо (8,21 метри), колку што скокна во првата серија. После тоа скокна уште само еднаш, во втората серија, 8,05 метри.