Американскиот претседател Доналд Трамп изјави дека Федералните резерви и Министерството за финансии се уште имаат „муниција“ да и помогнат на економијата на земјата.

Тој меѓутоа, пред новинарите рече дека се сомнева дали воопшто ќе има потреба од тоа.

– Имаме неограничена муниција доколку ни затреба, но нема да ни треба, истакна Трамп, пренесува „Ројтерс“.

Трамп во март веќе потпиша план за помош од 2.000 милијарди долари за граѓаните и претпријатијата погодени од пандемијата од корона вирусот, а во април одобри нов план за помош од 500 милијарди за поддршка на економијата.