Има потенцијал, но Стојановски не е подготвен за мечеви со ПСЖ, Лион..!

midilibre.fr

Денеска беше објавено дека најдобриот стрелец во Првата македонска фудбалска лига, Стојановски, во редовите на францускиот прволигашки клуб Ним.

Иако за минатата сезона беше најдобар стрелец, зачудува фактот што за играчот од Делчево нема до сега повик од А селекцијата на Македонија, но секако селекторот Игор Ангеловски е тој што секогаш го крои составот пред новите репрезентативни натпревари.

Спортскиот директор на Ним нешто над една година ги следел настапите на 22-годишниот Стојановски. Француските медиуми најавуваат дека в среда претпладне се очекува да биде нашиот интернационалец на стадионот на Ним, а потоа и го потпише најавениот договор на три години.

– Тој е централен напаѓач, стрелец, паметно игра во казнетиот простор каде што ги користи и двете нозе за шут и реализација. Исто така снаодлив и со глава. Играч кој придонесува за тимот, но моментно мислам дека не е подготвен за настап во најсилната француска Лига 1. Со него ќе биде тренерот Бернар Блакар, има потенцијал и можеме да сметаме на него во иднина – анализира спортскиот директор на Ним, Лорен Боисие кој патем воедно го потврди доаѓањето на Стојановски.

Во меѓувреме веќе е објавен и календарот на натпревари за следната сезона 2019/20 во фрајнцуската Лига 1. На 10 август кога официјално ќе започне сезоната, Ним веќе во првото коло ќе има тешко гостување кај шампионот ПСЖ.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот