Има четири години, а веќе знае три јазици и е почесен член на Менса
Исак Милер има само четири години, а веќе напамет ги знае сите 50 сојузни американски држави. Ова дете, само научило да зборува грчки и арапски јазик, гледајќи видеоснимки на Јутјуб.
Кога родителите го забележале неговиот потенцијал, одлучиле да дознаат колкав всушност е неговиот коефициент на интелигенција.
Резултатот што бил добиен е неверојатни 154, што на ова мало детенце му овозможило да стане почесен член на Менса.
– Многу сака да учи странски јазици, а последно што бара од нас е да му купиме книги на руски јазик. Навистина бев шокирана кога еден ден едноставно зема лист хартија и почна да црта. Исто така, кога бевме надвор, одеше и читаше знаци и зборови што беа на автобусите или во подземната железничка станица. Читаше и мапи и некои упатства. Луѓето околу нас го гледаат и се чудат, а многумина од нив прашуваат и дали оди во училиште. Секогаш кога излегуваме од дома, среќаваме луѓе што му делат комплименти – раскажува Мишел Нелсон, мајката на Исак.