Им упадна, им пронајде дрога и ги уапси: Германската полиција затекна 33 лица на забава и запечати напуштена зграда
Полициите во Франција и во Германија приведоа и парично казнија учесници на недозволени забави кои ги прекршиле епидемиолошките мерки за сузбивање на пандемијата на ковод-19 за време на викендот.
Неколку стотици лица учествувале на недозволена забава во Париз, а слилчна бројка на прекршители на епидемиолошките мерки е откриена и во Орли, јужно од Градот на светлината, објави денеска француската полиција.
Мерката „полициски час“ во Франција е на сила од 18 часот и излез од домовите е дозволен само на оние кои одат на работа.
Полицијата, пак, во Германија синоќа по анонимна дојава упадна на забава во напуштена зграда при што затекна 33 лица. За време на интервенцијата била запленета помала количина на дрога и пари што лицата ги уплатиле за влез на забавата.
Накратко бил приведен и ди-џејот кај кого, исто така, била пронајдена дрога, а напуштената индустриска зграда е запечатена.