Илон Маск за прв пат јавно се огласи за моментално најпопуларната парница во светот, помеѓу неговата поранешна девојка Амбер Херд и актерот Џони Деп.

Својот коментар за целата ситуација милијардерот го сподели на својот твитер-профил.

„Се надевам дека и двајцата ќе можат да продолжат понатаму. Во нивната најдобра форма и двајцата се неверојатни луѓе“, напиша накратко тој.

I hope they both move on. At their best, they are each incredible.

— Elon Musk (@elonmusk) May 28, 2022

Врската меѓу Амбер Херд и Илон Маск

Не се знае точно кога Маск започнал врска со Амбер, но Деп го обвини милијардерот дека имал тројка со Амбер и Кара Делевињ во неговата куќа, додека Амбер сè уште била во брак со актерот.

Маск стана тема и за време на судењето кога како сведок беше повикан поранешниот агент на Деп, Кристијан Карино, кој беше прашан дали Маск и Херд биле во врска во 2016 година.

„Не знам дали излегуваа, но дефинитивно поминаа некое време заедно“, рече тој.

Херд и Маск се запознале на снимањето на филмот „Machete Kills“ во 2013 година, но парот тврдеше дека биле само пријатели додека и двајцата не се развеле во 2016 и 2017 година. Во август 2017 година, повторно се појавија гласини дека наводната едногодишна романса на парот е завршена. Маск ги потврди шпекулациите набргу потоа, велејќи им на фановите дека раскинувањето било пријателско.

Тој подоцна додаде дека „врските на далечина кога двајцата партнери имаат интензивни работни обврски се секогаш тешки“, но дека никој не знае што носи иднината.

ФОТО | Временски приказ на романсата помеѓу Илон Маск и Амбер Херд

ФОТО | Љубовната историја на Амбер Херд: Момчиња, девојки и сопрузи