Илон Маск на Твитер напиша дека го купува Манчестер Јунајтед, па објасни дека се шегувал

Елон Маск, извршен директор на „Тесла“ /Фото: EPA-EFE/ALEXANDER BECHER

Милијардерот Илон Маск, сопственикот на Tesla и SpaceX, преку Твитер ја објави својата намера да го купи англискиот фудбалски тим Манчестер Јунајтед.

Во твитот, кој следеше друг, во кој Маск рече дека ја поддржува „левата страна на Републиканската и десната страна на Демократската партија“, тој напиша:

„Исто така, го купувам Манчестер Јунајтед, фала“.

Отпрво не беше јасно дали најбогатиот човек во светот е сериозен во намерата да поднесе понуда за преземање, но тој подоцна се јави со објаснување дека се работело за шега.

„Не, ова е стара шега на Твитер. Не купувам никакви спортски тимови“, одговори Маск на прашање на корисник на Твитер. Тој, сепак, додаде дека Манчестер Јунајтед е тимот за кој навива уште од дете и ако некогаш купи спортски клуб, тоа ќе биде Јунајтед.

Англискиот клуб, кој десет години котира на Њујоршката берза, е едно од најдоховните спортски друштва во светот и има пазарна вредност од 2,08 милијарди долари.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот