Илјадници на протести во Белорусија, по десквалификацијата на двајца ривали на Лукашенко

Речиси сите политички ривали на Лукашенко се во притвор или под истрага.

Илјадници граѓани излегоа синоќа на улиците на Минск, откако Централната изборна комисија на Белорусија одлучи да не ја прифати кандидатурата на двајцата главни опоненти на претседателот Александар Лукашенко за претседателските избори, планирани за следниот месец, јави Би Би Си.

Протестите во Минск, и во други белоруски градови беа претежно мирни.

Групата која се бори за човекови права Виасна соопшти дека синоќа се уапсени повеќе од 35 лица, меѓу кои и неколку новинари.

.Изборната комисија на Белорусија одби да ја прифати кандидатурата на кандидатот на опозицијата, банкарот Виктор Бабарико, со образложение дека тој е во притвор и дека против него се води кривична постапка под обвинение за изнесување на 430 милиони американски долари од земјата со примена на нелегални шеми за перење пари.

ЦИК исто така ја отфрли кандидатурата на Валериј Цепкало, поранешниот амбасадор, кој сега управува со технолошкиот парк за хај-тек компании, оспорувајќи ја валидноста на потписите на неговите приврзаници. Тие двајца кандидати се сметаа за последните кои се во состојба да го загрозат 26-годишното владеење на Лукашенко. Речиси сите политички ривали на Лукашенко се во притвор или под истрага.

Делегацијата на ЕУ во Белорусија оцени дека одлуката на ЦИК го „подрива интегритетот и демократската природа на изборниот процес”.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот