Илјадници луѓе протестираа во Барселона за независност на Каталонија (ВИДЕО)
Стотина илјади луѓе се собраа на големиот градски плоштад во Барселона, на денот на главниот празник на оваа шпанска покраина, барајќи нејзино осамостојување од Шпанија и тоа само на ден пред изрекувањето на пресудата за 12 лидери на сепаратистичкото движење.
Демонстрантите за независност на Каталонија, пристигнаа од сите делови на оваа покраина, а во Барселона се вееја знамиња во знак на поддршка за отцепување од Шпанија.
Дванаесетте лидери на Каталонија, кои во 2017. неуспешно се обидоа да ја одделат Каталонија од Шпанија, чекаат пресуда на Врховниот суд за овој нелегален обид за отцепување.
Во Каталонија на 1. октомври 2017 година се одржа референдум за независност и покрај противењето на централната власт во Мадрид, а потоа на 27. октомври беше прогласена независност, поради што владата на шпанскиот премиер Маријано Рахој ја суспендираше автономијата на овој регион.