Двочасновна забава на присутните на плоштад „Македонија“ синоќа им приреди балканската музичка ѕвезда Дино Мерлин. Плоштадот беше претесен да ги собере илјадниците граѓани од земјава и странство кои и покрај ниските температури се охрабрија Новата  2020 година да ја дочекаат со безвременските хитови на Мерлин.

„Скопје ми е влезено во срцето, ме потсетува на детството. Овде ми е најубаво“ им рече Мерлин на присутните.

Воодушевување кај присутните предизвика и спектакуларниот огномет, со кој како и секоја година Градот на присутните им ја честита Новата година.

Дека градоначалникот на Скопје, Петре Шилегов е задоволен со изборот на уметник за дочек на 2020 потврди и неговиот фејсбук статус на кој објави фотографии со опис „ Love you Скопје мое“.