Бројни полициски сили со опрема за разбивање демонстрации се наоѓаат околу зградата на српското Собрание. Тука се поставени полицајци на коњи и со кучиња, како и неколку полициски возила.

Неколку десетици полицајци со идентична опрема се распоредени во близина на зградата на РТС.

Како што објави известувачот на Н1, пред влезот на Собранието е мала група луѓе и малку поголема од другата страна на улицата, на почетокот на паркот Пионир.

Za sada ispred Skupštine nekoliko desetina gradjana.

Medju okupljenima se nalazi i narodni poslanik Srdjan Nogo. pic.twitter.com/SRD3x26AKF

— KRIK (@KRIKrs) July 8, 2020

Полицијата веќе е подготвена со поставена железна ограда и шпалир  од припадници на специјалните сили, сместена од страна и пред влез во Собранието.

Друг дел од полициските сили се наоѓа во Пионерскиот парк, кон зградата на Претседателството на Србија, каде што има и околу стотина полицајци со целосна опрема, јавува известувачот на Н1.

Луѓето кои се веќе пристигнати изјавуваат дека не се дел од никаква политичка опција и дека на социјалните мрежи слушнале за закажаниот протест и одлучиле да видат за што станува збор.

Во Нови Сад, на Плоштадот пред Градска куќа, околу 18 часот се собраа неколку стотинци граѓани.

На самиот почеток на протестот дошло до вербален судир меѓу движењето на десничарите со кое раководи Урош Вељовиќ и момче кое му припаѓа на движењето „1 од 5 милиони“, објави Нова.рс.