Кучињата и мачките по се изгледа дека албанскиот претседател Илир Мета ги обожава. Тој пред извесно време објави видео на социјалните мрежи со куче во рацете, а во најновото видео објавено на Фејсбук, Мета можете да го видите како игра со мачки, покрај море.

„Едно утро со „букет“ мачки, секогаш релаксирачки! Тие се сакани и игриви. Но, има и по некоја храбра која се качува горе, не сметајќи го ризикот на враќање. Јас се најдов таму за да и го олеснам симнувањето“, напишал Мета на својот профил.

Инаку, албанскиот претседател Илир Мета денеска (9 септември) ќе се соочи со парламентарната анкетна комисија, која ги испитува неговите наводни прекршувања на Уставот.

Поканата, потпишана од претседателот на комисијата Улси Мања, до Мета е доставена минатата недела. Тој е само еден од повеќето сведоци кои комисијата ќе ги покани за исказ околу ова прашање.