Илир Мета: Високо го ценам проевропското водство на Заев и Пендаровски – Слободен печат
ВестиМакедонија

Илир Мета: Високо го ценам проевропското водство на Заев и Пендаровски

Мета упати пофални зборови за лидерството на премиерот Заев и претседателот Пендаровски.

Албанскиот претседател Илир Мета од Драч апелираше дека Албанија треба да придобие од многу позитивниот момент кој го постигна Северна Македонија со Преспанскиот договор. Тој истакна дека за нив е многу битно Албанија да ги отвори преговорите, но и дека има многу значење и Северна Македонија да ги отвори овие преговори.

– Треба да придобиеме од многу позитивниот момент што Северна Македонија го постигна со Преспанскиот договор, а не да ги оштетиме и нивните шанси или да ги уценуваме другите, бидејќи за нас е многу важно Албанија да ги отвори преговорите, но е многу важно и Северна Македонија да ги отвори овие преговори. Не само поради многу битното соседство. Не само поради одличното водство што го покажаа како премиерот Заев, исто така и претседателот Пендаровски, туку и поради Албанците кои ги имаме во Северна Македонија, кои беа извонреден фактор за европската интеграција на таа земја, но исто така и поради нејзиното членство во НАТО и кои очекуваат позитивна порака и за Северна Македонија, бидејќи и тие не сакаат да се одалечат од тоа место. Напротив, тие сакаат да ја реализираат иднината како европски граѓани и во нивната земја и покрај нивните семејства – рече албанскиот претседател Илир Мета, пренесува Газета Телеграф.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close