ИЈЗ: Нов раст на бројот на заболени од ковид, 33.9 % во однос на минатата недела

Ковид-состојба во Северна Македонија / Фото: EPA-EFE/GEORGI LICOVSKI

Институтот за јавно здравје (ИЈЗ) соопшти дека според нивниот извештај, во периодот 10 – 16 јануари, регистрирани се 11.123 нови позитивни случаи на ковид-19 во 35 градови во државата, што е зголемување од 33.9% во однос на минатата недела.

Тестирани се вкупно 45.401 материјали во лабораториите во кои се спроведува молекуларно и антигенско тестирање, со намалување од 14.7% во однос на минатата недела.

„Процентот на позитивност се движи од 21,4% до 30,2%, просечно 24,4%. Најголем дел од регистрираните случаи се од Скопје (n=5.630; 50,6%), а највисока неделна инциденца е регистрирана во Крушево – 1.152,4/100.000. Висока инциденца се регистрира и во Битола (n=1.025; I=1.035,5/100.000)“, се вели во извештајот на ИЈЗ.

Регистрирани се заболени лица во сите возрасни групи, а најзастапени се возрасните групи на лица на возраст 30-39 години, односно 2.643 или 23.8% и од 20-29 години, 2.153 случаи или 19.4%. Најмал број е регистриран кај возрасната група од 0-9 години, 205 случаи или 1.8 отсто.

„Се забележува зголемување на бројот на заболени кај скоро сите возрасни групи со најголемо зголемување кај возрасната група над 60 години со зголемување од 99,6% и возрасната група 50-59г со зголемување од 90,3% во однос на претходната недела. Се регистрира минимално намалување на бројот на заболени кајвозрасните групи од 20-29г (-4,3%) и 10-19г (-2,5%) во однос на минатата недела“, додаваат од ИЈЗ.

Минатата недела вкупно се пријавени 1.247 реинфекции, што претставува зголемување од 31,8% во однос на претходната недела.

55 смртни случаи се регистрирани во минатава недела во 15 градови или 34.1% повеќе од претходната недела, соопшти ИЈЗ.

„Најголем дел од нив се од Скопје (22). Во однос на возраста, најголем број (n=48; 87,3%) од починатите припаѓаат на возрасната група над 60 години, а регистрирани се починати лица и кај возрасната група од 50-59 години (4), 40-49 години (2) и 30-39 години (1)“, соопштуваат од ИЈЗ.

Омикрон е откриена во седум градови, односно во Скопје, Кавадарци, Тетово, Охрид, Кочани, Велес и Гевгелија. Во лабораторијата за вирусологија и молекуларна дијагностика при ИЈЗ, од вкупно 96 позитивни испитани примероци, кај 57 случаи или 59.4% бил пријавен омикрон.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот