Игуаин е главната „мета“ на Пелегрини
Во пролетта Аргентинецот немаше успешен период како позајмица во Челзи, со само пет гола во 18 натпревари, по што лондонските „сини” одлучија да не го задржат и тој се врати во Јуве.
Потоа, агентот на Игуаин изјави дека неговата желба е да игра до крајот на кариерата за „бјанконерите”, но не е јасно дали тој се наоѓа во плановите на новиот тренер Маурицио Сари. Најновите информации исто така велат дека аргентинскиот офанзивен играч има понуди и од Кина.
West Ham are interested in bringing former Chelsea striker Gonzalo Higuain back to the Premier League, according to Sky in Italy. https://t.co/TtDGCukSnY
— SKY SPORTS NEWS HQ (@skysports_newz) July 13, 2019
Вест Хем претходно се раздели со Марко Арнаутовиќ, кој премина во Шангај СИПГ претходно оваа недела, а пред тоа и со други двајца напаѓачи – Енди Керол и Лукас Перез.
Пелегрини сака да има квалитетно засилување за нападот, а Игуаин е неговиот главен приоритет.
Според медиумите на Островот, „чеканите” имаат уште две летни желби, тие се Себастијан Халер од Ајнтрахт Франкфурт и Саломон Рондон од ВБА.