Тренерот на Ливерпул, Јирген Клоп смета дека неговиот тим беше доволно добар за да ги освои трите бода против Ајакс, но свесен е дека не беше прикажана добра игра.

Англискиот шампион славеше со 0:1 на гостувањето кај Ајакс и тоа благодарение на автоголот на Таљафико.

– На крајот победата е најважна иако мислам дека и двете екипи можеа да прикажат подобар фудбал. На моменти беше диво. Не ги искористивме шансите, но и Ајакс имаше свои шанси посебно кога ја погоди гредата. На крајот, задоволен сум од победата, не беше прикажан убав фудбал, но дојдовме по трите бода и на крајот ги освоивме – вели Клоп.

Тренерот на Ајакс, Ерик Тен Хаг, е задоволен од играта на неговиот тим иако загуби.
– Го доведовме Ливерпул до бездната, но не го бутнавме во неа. Сами сме криви што не остваривме подобар резултат, создадовме одлични шанси но не успеавме да реализираме – изјави Тен Хаг.