Своевремено ги бранеше боите на македонската репрезентација до 16 години, но подоцна одлучи да настапува за Шведска. Веќе го имаше дебито за шведската сениорска селекција во квалификациите за ЕП лани на 18 ноември во триумфот над Фарски Острови.

Дејан Кулушевски, еден од најперспективните играчи во Италија и пошироко, моментно е играч на Јувентус, а минатата сезона играше на позајмица во Парма.

View this post on Instagram

Really livin life..?

A post shared by Dejan Kulusevski (@dejan.k10) on Aug 11, 2020 at 11:35am PDT

Швеѓанецот со македонско потекло после напорната сезона во Серија А одлучи својот одмор да го помине во нашата земја, поточно во Охрид. Роден во Шведска, неговото потекло е од охридскиот крај, поточно неговиот татко е охриѓанец.

Ланската сезона во најсилното италијанско првенство запиша 19 настапи и реализираше шест голови во дресот на Парма.

Одморот го поминува заедно со младиот шведски репрезентативец, Џоел Асоро кој ги брани боите на Свонси, фотографиите ги сподели на Инстаграм.

Пред да се пресели во Парма, Кулушевски настапуваше и за составот на Аталанта.