Истражувањето дојде до податоци дека во местењето се вклучени 135 тенисери, помеѓу кои и еден играч од Топ 30, сопственик на три титули, но не му се открива името.

Вмешани се тенисери од Белгија, Франција, Шпанија и САД, а до тие информации се дојде после една година истрага. За сето тоа белгиските органи го информирал американското „ФБИ“. Единицата за интегритет во тенисот (ТИУ) суспендираше повеќе од 20 тенисери и тенисерки оваа година.

– Станува збор за мрежа на ерменска мафија која масовно се шири преку седум земји во Европа. Таа е многу интелигентна и можат да ве измамат на многу високо ниво. Тие имаат луѓе кои се одговорни за сметки, кои перат пари и кои воспоставуваат контакт со играчите – рече заменик јавниот обвинител на Белгика, Ерик Бископ.

Да потсетиме, и на Новак Ѓоковиќ своевремено му нуделе 200.000 долари да загуби меч во првото коло на турнирот во Санкт Петербург во 2007. година, што тој ги одби, подоцна зборуваше за тоа.

– Не ме прашаа директно, туку беше преку некои луѓе кои тогаш работеа во мојот тим. Секако, веднаш е отфрлена можноста. Тоа дури не стигна до мене, тој човек се обиде да разговара со мене, но не успеа. Оттогаш немаше ништо. За жал, тогаш се кружеа гласини, но тоа е средено, а во последните шест, седум години, не сум слушнал ништо слично. Нема место за местење мечеви и корупција во нашиот спорт. Се трудиме да го одржиме што почист. Мислам дека спортот ги надгради програмите, а власите би требало да се занимаваат со тие случаи – рече Ѓоковиќ во 2016. година.