„Игра на тронови“ станува театарска претстава
„Игра на тронови“ се сели во театар! Задачата за театарската адаптација им припадна на британскиот драматург Данкан Мекмилан и режисерот Доминик Кук, а првите претстави се очекуваат во 2023 година.
За адаптацијата Мекмилан и Кук соработуваат со американскиот писател Џорџ Р. Р. Мартин.
„Претставата за прв пат ќе ја однесе публиката подлабоко зад сцената на еден познат настан кој претходно беше чуван во тајност. Заедно со многу од најпознатите ликови од серијата, продукцијата ќе се базира на приказна фокусирана на љубов, одмазда, лудило и опасностите од справување со пророштвата, во процес на откривање тајни и лаги што досега беа само навестени“, се вели во официјалниот опис на претставата.
Во театарската претстава „ќе се појават многу познати ликови“ од книжевната сага и успешната тв-серија што се снимаше осум сезони.
„Нашиот сон е да го поставиме Вестерос на Бродвеј и Вест Енд, но исто така и во Австралија“, рече Џорџ Р. Р. Мартин, кој започна да работи на тој проект пред пандемијата на коронавирусите.
Драматургот Данкан Мекмилан веќе се обидел да создаде театарски адаптациина романите на Џорџ Орвел од 1984 година и „Стаклениот град“ на Пол Остер.