Игор Јанушев се повлече од позицијата генерален секретар на ВМРО-ДПМНЕ
Генералниот секретар на ВМРО-ДПМНЕ Игор Јанушев од лични причини се откажал да ја извршува оваа партиска функција. Ова на прес-конференцијата вечерва го соопшти лидерот на партијата Христијан Мицкоски.
– Игор Јанушев, генерален секретар на партијата поради лични причини се повлекол од теренски најистурената партиска функција. Но, тој ќе остане да дава придонес во активностите на партијата. Му се заблагодарувам за досегашниот ангажман – рече Мицкоски.
Мицкоски на прес-конференцијата рече дека на дневен ред на седницата на Централниот комитет била актуелната полигтичка состојба и состојбата во партијата.
– Заев не може да реши ништо. Секој ден поминат со оваа влада ќе биде погубен.за народот и државата. Владата на Заев не може да ги реши проблемите ниту во здравството, ниту со образованието…,бидејќи владата на Заев е проблемот – рече Мицкоски.