На Германецот Тухел му се ближи крајот во ПСЖ, кавгите со младата ѕвезда Килијан Мбапе но и неубедливите игри на екипата, ги натераа челниците на францускиот тим да донесат конечна одлука за разделба со тренерот на крајот од сезоната.
Можно е Тухел и порано да ја напушти клупата на ПСЖ, доколку „светците“ бидат елиминирани во Лигата на шампионите од Борусија Дортмунд.

Спортскиот директор Леонардо одлучи иден тренер да биде Итлаијанец и засега само три имиња се во игра.

Прв фаворит на Леонардо е Масимилијано Алегри кој е без работа но се наоѓа на платниот список на Јувентус.

Тој најави враќање на тренерската работа од идната сезона, но ПСЖ се очекува да има голема конкуренција во англиските екипи, пред се Манчестер јунајтед кој сè уште не се одлучил дали ќе тргне по услугите на Маурицио Покетино или Алегри.

Вториот фаворит на Леонардо е Симоне Инзаги кој прави чуда на клупата на Лацио. „Лацијалите“ моментно се втори на табелата во Серија А со само еден бод заостаток во однос на Јувентус, но што е поважно за челните луѓе на ПСЖ, Инзаги преферира офанзивен фудбал.

Третото име во нотесот на Леонардо е тоа на актуелниот тренер на Јувентус, Маурицио Сари. Тој се наоѓа пог голем притисок од јавноста поради неубедливите игри на „старата дама“.