Македонскиот возач имаше многу добри перформанси во текот на квалификациите, но и во двете трки каде што малку недостасуваше да дојде до Топ 3 позициите.

Но, самите инциденти на патеката со останатите ривали и неочекуваните казни од судиите спречија нашиот Иџе да има висок пласман во Италија.

Се огласи и нашиот возач на Фејсбук истакнувајќи дека судиите го имаат последниот збор, но и се заблагодарува на поддршката на неговите фанови.

– За жал не можеме ништо против одлуките на судиите, тие го имаат првиот и последниот збор. Сакам да се заблагодарам на луѓето кои беа овој викенд со мене, мојот тим кој направи се за да имам возило подготвено за подиум. Моите спонзори без кои ова не би било возможно, луѓето од мојот клуб кои дават се од себе да ги имам сите потребни услови. Но, за жал сепак други одлучуваат за пласманот иако требаше двапати да сме на пиедестал тоа сепак не се случи. И фала на сите за огромната подршка која ми ја давате, се надевам не ве разочарав. Се гледаме во Македонија! – беа зборовите на Иџе.