Иџе со својот автомобил „грмеше“ низ празнице улици од Лисиче до Влае под мотото  ,,ќе брмчи Иџе“ како поддршка за луѓето кои секојдневно се борат со коронавирусот, како здравствените работници, полицајчи, пожарникари, војници…

– Се соочуваме со зло односно со мигови, кои би сакал никогаш да не се повторат. Никогаш повеќе да не бидат празни улиците низ градовите на нашата држава. Токму затоа, мудро да се вратиме во секојдневието. Нашите медицински лица, полицијата, армијата и сите наши сограѓани, кои се нашите херои во овој период, со својот придонес направија полека, но сигурно, да излеземе победници од оваа битка – изјави Иџе.

„Перформансот“ на Иџе беше бурно поздравен од граѓаните кои излегоа на балконите да му дадат поддршка на Иџе како и на вистинските херои во овие тешки времиња.

Иџе исто така се сретна со министрите за здравство и внатрешни работи, Венко Филипче, односно Наќе Чулев, на кои им подари маици на кои беше напишано „Херои“.