Рускиот идеолог Александар Дугин, познат како „идеологот на Путин“, наводно објавил порака на социјалната мрежа Х во која тврди дека „Романија наскоро ќе биде дел од Русија“.

Иако налогот  на X го носи неговото име и фотографија, не е потврдено дека му припаѓа на Дугин. Сепак, Министерството за надворешни работи на Романија остро одговори на соопштението.

Портпаролот на министерството, Андреј Тарнеа, за романската Хот њуз објасни зошто реагирале на ИКС налогот  за кој официјално не е утврдено дека му припаѓа на Дугин:

„Сакавме да го спречиме ширењето на токсична изјава, без разлика дали е автентична или не. Ваквите изјави станаа вирални на социјалните мрежи во Романија, па сметавме дека не смееме да останеме  без реакција“, рече портпаролот.

Еве како гласи пораката на ИКС налогот што се поврзува со Дугини:

„Каде можат да избегаат вокистите и демократските елити од САД? Канада? Израел? Лондон, Париз, Дубаи? Можеби Молдавија? Но Молдавија наскоро ќе биде дел од Романија. А Романија ќе биде дел од Русија“.

Тој подоцна додал: „Можеби Австралија или Нов Зеланд, се побезбедни места засега. Европа може да падне или да заврши во рацете на десничарските популисти“.

May be Australia and New Zealand. For time being safer place. Europe can fall or pass to the hands of right populists. Or be severely damaged by Oreshnik.

— Alexander Dugin (@Agdchan) December 2, 2024

Дугин и политичкиот наратив во Романија

Александар Дугин е познат по своите контроверзни ставови и блиски врски со Кремљ. Ја промовира идејата за евроазиски супердржавен блок како противтежа на американската хегемонија. Тој неодамна го пофали Калин Гиорџески, проруски политичар, потенцијален претседател на Романија, тврдејќи дека неговиот избор би бил позитивен затоа што се противи на прогресивизмот.

Путин за  изборите во Романија

Рускиот претседател Владимир Путин иронично ја коментираше одлуката на романските власти за пребројување на гласовите по изненадувачката победа на прорускиот кандидат Георгеска во првиот круг од претседателските избори.

„Еден кандидат не им одговараше, па решија да го повторат пребројувањето на гласовите“, изјавил  Путин за изборите во Романија.