Идентификувана последната жртва во уривањето на облакодерот во Мајами
Конечниот број на загинати при уривање на станбена зграда во Мајами е 98 лица, потврди градоначалникот на округот Мајами-Дејд откако беа пронајдени и идентификувани останките на последната жртва, која сè уште се водеше како исчезната.
Останките од последната жртва ги пронашла екипа за спасување на 20 јули, по што форензичарите се обиделе да ја идентификуваат, соопштија официјалните лица.
Потрагата по жртви во урнатините на станбен комплекс во предградието на Мајами заврши минатиот петок.
Градоначалничката Даниела Левин Кава на прес-конференција рече дека операцијата за спасување и потрагата по жртвите е „најголемата акција за итни случаи во државата.
„Денес можам да кажам дека е идентификувана последната жртва и дека семејството е известено“, додаде таа.
Откривањето на останките од последната позната жртва потврди дека при уривањето на зградата на 24 јуни загинаа 98 жртви рано изутрината.