Идеалниот тенисер според Надал: Бекендот на Ѓоковиќ, форхендот на Федерер… (ВИДЕО)
Шпанецот во разговор за порталот „Спорт 360“ го избра идеалниот тенисер.
Надал од новинарите на порталот доби задача да го направи идеалниот тенисер. Интересно е што прво го одбра бекендот и тука изборот падна на неговиот најголем конкурент, Новак Ѓоковиќ.
– Новак со бекендот се брани многу добро, исто така тоа е негово моќно офанзивно оружје. Бекендот на Новак има многу можности – вели Надал.
При изборот на тенисер со идеален форхенд, Шпанецот немаше дилеми, го избра Федерер.
– Федерер со неговиот форхенд е во можност да го удри топчето многу рано, да создаде винери од секоја позиција. Има многу можности – смета Надал.
Освен форхендот и бекендот на Федерер и Ѓоковиќ, Надал од останатите тенисери го зема и следново: борбеноста од самиот себе си, Сервисот од Иво Карловиќ, брзината на Гаел Монфилс, ставот кон тенисот од Давид Ферер, физичката подготвеност од Доминик Тим. Шпанецот исто така додаде дека Енди Мареј е играч со најдобар избор на удари, а Федерер е тенисер со најдобра визија.