Ибрахимовиќ се враќа во Серија А, не смее да го одбие болниот пријател
Италијанските медиуми се убедени дека во филмско сценарио Златан Ибрахимовиќ ќе се врати во Серија А. Неговиот менаџер Мино Рајола ја прифати понудата, и сега останува да се согласи самиот фудбалер да потпише за Болоња.
Сопственикот на Болоња, Џо Сапуто му понуди осум милиони евра за 18 месеци, а сумата ќе ја обезбедат спонзорите.
Иако ниту неговиот сегашен клуб Лос Анџелес галакси не се откажува, му нуди нов договор тежок седум милиони долари по сезона,но клучен фактор во изборот на новиот клуб на Швеѓанецот ќе биде Синиша Михајловиќ.
Србинот се бори се тешка болест, леукемија, а Болоња се наоѓа во средината на табелата во Серија А, но игра многу подобро кога Михајловиќ седи на клупата. Тој моментно се наоѓа во болница на трет циклус лечење со хемотерапија.
Самиот Ибрахимовиќ изјави дека не може да го одбие својот пријател кој му беше и тренер во Интер.
– Миха ме повика и ми рече да дојдам во Болоња. Сите ќе трчаат, а мое ќе биде да давам голови – изјави Ибрахимовиќ.