Ибрахимовиќ: Наскоро се гледаме во Италија!
Златан Ибрахимовиќ потврди дека ќе се врати во Италија по добивањето на голем број на понуди. Ветеранот изјави за „GQ Italia“ дека ќе му се придружи на клуб кој мора да се врати на победничките патеки.
Извештаите во Италија тврдат дека ја одбил можноста да се врати во Премиер лигата за повторно да му се приклучи на Милан.
Шведскиот фудбалер навести дека е на работ на сензационално враќање во дресот на „росонерите“.
Иако се шпекулира дека има понуди од неговиот поранешен клуб Манчестер јунајтед, и од Тотенхем, одлучи да се врати на Апенините.
Своевремено 38-годишниот играч во својата кариера во Италија, освен во Милан, беше дел од Јувентус и Интер, а овој период освен Англичаните, и две калчолигашки екипи покажаа интерес за неговите услуги, Наполи на нашиот Елиф Елмас и тимот на Болоња.
Се очекува дека ќе му се придружи на Милан на крајот од сезоната, за клубот од „Сан Сиро“ кој повторно има лоша сезона, се обидува најде вистински спонзор.
– Ќе му се придружам на клуб кој мора да им се врати на победите, кој мора да ја обнови историјата и е во битка против секого и сè. Ова е единствениот начин на кој ќе можам да ја најдам потребната мотивација повторно да ве изненадам. Не станува збор за само за избор на тим, бидејќи има и други фактори кои се клучни, вклучително и интересот на моето семејство. Се гледаме наскоро во Италија – се зборовите на Ибра.