Според италијанските медиуми, Златан Ибрахимовиќ, фудбалерот на Милан бил испитуван од членовите на обвинителството во присуство на неговиот адвокат Фабио Еспосито. На сослушување мораше и членот на „неро-аѕурите“ Ромелу Лукаку, како и судијата од тој натпревар, Паоло Валери.

Следната недела се очекува да бидат бидат познати казните, а доколку се докаже дека Швеѓанецот расистички го навредувал Белгиецот, му се заканува суспензија.

Да потсетиме, Златан го одбележа полуфиналето на Купот на Италија, бидејќи на тој натпревар успеа да постигне гол, се судри со Ромелу Лукаку, „размени“ тешки навреди со напаѓачот на Интер, а потоа доби црвен картон за груб старт врз Коларов.

Милан на крајот го загуби овој меч, а скандалозниот конфликт со Лукаку сè уште е во центарот на вниманието во Италија. Сега Златан мораше да оди во државното обвинителство на сослушување.

Засега е казнет само со еден натпревар да не игра во купот, но можно е подолго да паузира.