Ибрахимовиќ е „гладен“ за ново Скудето! – Слободен печат
СпортФудбал

Ибрахимовиќ е „гладен“ за ново Скудето!

Швеѓанецот не ја исклучува можноста да се врати во Италија каде што своевремено имаше бројни титули...

Златан Ибрахимовиќ во интервјуто за италијанскиот весник „Ла газета дело спорт” говореше на многу теми поврзани со италијанскиот фудбал и ја одвои опцијата дека би можел да направи „кам-бек“ во Серија А.

Шведскиот интернационалец сега го носи дресот на американскиот клуб Лос Анџелес галакси, а 38-годишниот Ибра кој играше за Јувентус, Интер и Милан во декември ќе биде слободен агент.

– Имам 38 години, но играм со ист ентузијазам и желба за победа како кога бев дете. Италија е мој втор дом. Ако се вратам, би играл за тим кој се бори за скудетото. Можам да придонесам за титула, не сакам да ме гледаат како атракција, како животните во зоолошка градина – рече Ибрахимовиќ.

Додаде и дека Јуве е фаворит и сезонава за титулата во Италија, но во Лигата на шампионите е поинаку и не зависи сè од потенцијалот на тимот, туку и од други фактори.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close