Шведскиот интернационалец после вчерашниот триумф против Јувентус вели дека доколку се наоѓаше во составот на „росонерите“ од почетокот на сезоната, ќе се најдеа на врвот.

Златан Ибрахимовиќ еднаш се запиша во листата на стрелците во победата над Јуве со резултат 4:2.

– Јас сум стар, тоа не е тајна! Но, возраста е само број. Работам добро, добивам време за играње. Се чувствувам добро и да бидам искрен се трудам да му помогнам на клубот. Доколку бев тука од првиот ден во сезоната, ќе го освоевме Скудетото – рече Ибрахимовиќ.

38-годишниот играч на „Сан Сиро“ дојде на почетокот од 2020 година, откако претходно од 2018 играше во САД за екипата на Лос Анџелес галакси.

На табелата на седум кола до крајот на сезоната води „Старата дама“ со 75 бодови, седум повеќе од второпласираниот Лацио, додека Милан е на петтото место со 49 бодови.

Трката за титулата сè уште е отворена: Јувентус не го искористи подарокот од Лацио (ВИДЕО)