И во Штип алармантно: На Инфективно слободни само 2 кревети, заразени наставнички и воспитувачки

Во штипското основно училиште „Тошо Арсов” 34 второодделенци и нивните две наставнички заминуваат во изолација, откако имале физичка настава од наставник од предметна настава, кој е позитивен на коронавирусот.

Во истото училиште велат дека од почетокот на учебната година, досега тројца наставници се заразиле со вирусот. Прекин во наставата немало, бидејќи учениците и наставниците ја реализираат он-лајн.

Нови случаи на заразени вработени во штипските детски градинки се регистрирани во објектот на градинката „Астибо” во населбата „Сењак”. Воспитувачка и негователка се инфицирани, со што во изолација се испратени шест деца.

Според директорката на Центарот за здравје-Штип, Марија Димитрова вчера се регистрирани 25 случаи, но и денеска се очекува двоцифрена бројка. Заразате се шири меѓу младите над 20 години, семејствата, но и сега и во училиштата и градинките. Текстилниот кластер во најголемата фабрика во ТИРЗ зоната е стивната.

Денеска на Инфективното одделение во штипската Клиничка болница се хоспитализирани 53 пациенти, има два слободни кревети, 20 пациенти се со тешка клиничка слика и се на кислородна поддршка, а во болнички услови е починат пациент на 72 -годишна возраст од Штип.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот