„Волшебништвото“ отсекогаш било привлечно за многу луѓе од сите делови на светот. Во модерното време за тоа придонесе франшизата „Хари Потер“ за доживувањата на младиот волшебник и неговите пријатели.

Популарноста на волшебникот ја искористиле во Полска, поточно во бајковитиот замок Чоша, каде што се нудат четиридневни курсеви за „волшебиштво“, по чие завршување се добива и официјален сертификат.
Училиштето го нарекуваат „Хогвортс“, како и во приказната за Хари Потер. Во него предаваат различни професори. Некои од нив, како што ги опишуваат посетителите, се „збунети и расеани со лошо помнење“, а други „млади, остроумни и зборлести“.

Секако искуството не би било потполно без волшебничките спортови. Организаторите признале дека се потрудиле да го направат она што е сон на секој љубител на Хари Потер.

– Во суштина, настојувавме да користиме скоро сè што имаше во „Хогвортс“. Ентузијастите донесоа дури и волшебнички стапчиња, метли, дури и идентична гардероба за повеќе да потсетуваат на волшебниците од познатиот „Хогвортс“.