ЕХФ денеска и официјално ја донесе одлуката околу доделување на бодовите за оние натпревари кои беа одложени и нема да се одиграат во предвидениот рок до 4. март и по службените триумфи на Е. Пелистер и Металург, бодови доби и македонскиот претставник во Лигата на шампионите, Вардар.

Вардар доби вкупно три бода за трите неодиграни натпревари во групната фаза од ЛШ, откако ЕХФ донесе одлука за службена победа од 10:0 на Вардар за дуелот кој требаше да се игра против Фленсбург во Германија и тоа поради недопуштањето на германските власти „црвено-црните“ да влезат во оваа земја без притоа да минат задолжителен карантин. Вардар доби дополнителен бод и за гостинскиот натпревар против ПСЖ што е регистриран со службен резултат 5:5. Неочекувано, „црвено-црните“ службено го загубија домашниот дуел со ПСЖ, кој е регистриран со 0:10 за францускиот првак.