И вакцинираните може да пренесат ковид, подобро е да седат дома, предупредува британски експерт

Водечкиот британски епидемиолог Џонатан Ван-Там поредупреди дека лицата кои примиле вакцина против ковид-19 можат да пренесат инфекција и би требало да продолжат да ги почитуваат правилата за карантин.

Ван-Там кој е и заменик министер за здравство на Велика Британија нагласи дека научниците „се уште не го знаат влијанието на вакцините на пренесување на заразата“, пренесе  БиБиСи.

Тој рече дека вакцината дава „надеж“, но дека стапката на зараза мора брзо да почне да опаѓа.

Министерот за здравство на Велика Британија рече дека 75 отсто од граѓаните постари од 80 години ја примиле првата доза од вакцината.

За комплетен процес на вакцинација се потребни две дози од вакцината Фајзер-Бионтек и Оксфорд -АстраЗенека, а бројот на вакцинирани досега покажува дека тие ја примиле само првата доза.

Прочитајте и...  Широк фронт за корупцијата да се стави „во тесно“

Професорот Ван-Там изјави дека „ниту една вакцина никогаш не била“ 100 проценти ефикасна, така што нема загарантирана заштита.

Тој наведе дека се потребни најмалку три недели по вакцинирањето за целосно да се развие имунолошки одговор кај постарите лица.

„Дури и кога ќе ги примите двете дози вакцини, може и натаму да пренесете ковид-19 на некој друг и ланците на пренос ќе продолжат“, рече Ван-Там.

Тој ги предупреди граѓаните да се придржуваат до мерките и после вакцинацијата за да не ги изложуваат на ризици другите луѓе кои чекаат да ја примат својата доза.

Извор: Бета

 

Поврзани вести

Шахпаска: Секој има право на достоинствен живот без оглед на возраст, пол, расна и етничка припадност

Слободен печат

Форбс: САД признаа дека Ф-35 се неуспех

Слободен печат

Нема ли тајвански вакцини, бидејќи оние од Кина ќе стигнат на кинеско куково лето

Ана Анастасовска

ВИДЕО: Иницијатива против урбано дивеење: Ќе бараме средба и со Заев за да се спречи урбаната мафија во Ѓорче

Поради изолација на судијата Огнен Ставрев, рочиштето за „Титаник” одложено за 17 март

Слободен печат

Затворен угостителски објект во село Вруток, работел по дозволеното време

Слободен печат

Остави Коментар