Ангеловски зборува околу евентуалниот нов клуб на нашиот фудбалски „Дијамант“ Елиф Елмас кој до сега настапуваше за Фенербахче.

Нашиот стратег вели дека еден од нашите најискусни репрезентативци и член на Џенова, Горан Пандев го советува Елмас да се пресели во Италија.

ELMAS, IL CT DELLA MACEDONIA: “HA FISICO, È VELOCE: PANDEV E IO GLI ABBIAMO CONSIGLIATO DI VENIRE IN ITALIA”#Elmas #Angelovski #ct #Macedonia #Pandev #consiglio #Italia #Napoli #calciomercato https://t.co/RSNrlSHZl2

— Napolicalcionews.it (@NCN_it) July 4, 2019

– Елмас е добар човек и многу силен играч. Со технички вештини, брз со топката, паметен и со голем карактер – вели Ангеловски.

Запрашан дали Елмас е идниот „Пандев“, Мрме одговори:

– Дали би можел да биде силен како Пандев? Мораме да бидеме свесни кој е Пандев за Македонците, тој е најдобриот македонски фудбалер на сите времиња и затоа мора да биде почитуван. Во тоа дали Елмас би можел да биде „вториот Пандев“ или „следниот Пандев“, ќе покаже времето и рано е сега да се зборува. Како и да е, Елиф ги има сите предуслови да се развива и докажува уште повеќе како играч – додаде селекторот на „црвено-жолтите“.

Il Napoli punta su un centrocampista: occhi su Elmas, dubbi su Veretout https://t.co/iRXlmjTOjk

— informazione sport (@infoitsport) July 4, 2019

Елмас се поврзува со трансфер во голем број европски клубови, меѓу нив е и Наполи на славниот тренер Карло Анчелоти.

– Ги има квалитетите да игра во сите национални лиги, да игра било каде. Настапувајќи во Турција за Фенербахче е важен чекор за него. На негово место јас би ја избрал Италија, а таму ги има најдобрите тренери. Исто така и Пандев го советува да игра во Серија А, а таму може самиот да се комплетира како играч. Ги сакам и почитувам Наполи и Анчелоти, но и останатите клубови во Италија. Се надевам дека еден ден Елмас ќе биде еден од најдобрите играчи од средниот ред во Европа – се зборовите на Ангеловски за „Радио Марте“.