И првиот човек на Ла Лига призна: ВАР работи за Реал Мадрид
Изјавата на Хавиер Тебас ќе предизвика бура во Шпанија.
Реал Мадрид се наоѓа на добар пат да ја освои титулата во Ла Лига но како што стојат работите тоа нема да помине без контроверзи.
Откако е продолжена сезоната, Реал Мадрид само на еден натпревар немаше „помош“ од ВАР технологијата и речиси по секој натпревар на „кралевите“ токму тоа е главната тема. Така е и денеска по вчерашната победа на Реал на гостувањето кај Атлетик Билбао бидејќи за идентична ситуација во двата шеснаесетника, судијата имаше двојни аршини. Беше досуден пенал за Реал Мадрид, додека тоа не беше случај за Атлетик иако Серхио Рамос го нагази Раул Гарсија.
ВАР технологијата во Шпанија не реагира против Реал: Може пенал за „кралевите“, а не може за Атлетик
Денеска се јави и претседателот на Ла Лига, Хавиер Тебас, кој го обвини претседателот на Реал Мадрид, Флорентино Перез, дека стои зад се.
– Упорно повторувам дека се во врска со видео технологијата во Шпанија се смени откако Флорентино Перез во јануари годинава лично му се јави на претседателот на Федерацијата, Луис Рубиалес за да му се пожали на судењето и тоа по само 20 минути откако заврши нивниот натпревар. Според мене, тоа е скандалозно, недозволиво и непримерно однесување и директен притисок на судиите и судењето. Тој телефонски повик смени се, направен е непотребен притисок кој доведе до несогласување помеѓу судијата во ВАР собата и главниот судија на теренот – изјави Тебас.
Инаку, претседателот на шпанската фудбалска федерација, Луис Рубиалес и првиот човек на Ла Лига, Хавиер Тебас, не се добри односи и често се расправаат преку медиумите. Исто така не е тајна дека Рубиалес и близок со Флорентино Перез поради што сите, не само навивачите на Барселона, се сомневаат во регуларноста на Ла Лига.